ახალი ინფრასტრუქტურული პროექტები და მშენებარე ობიექტები თბილისში დღეს პრეზიდენტი გაეცნო. მიხეილ სააკაშვილი ვაკე-საბურთალოს შემაერთებლ გზაზე იმყოფებოდა, სადაც 204-მეტრიანი გვირაბი შენდება.
ათენში პოლიციამ სამი ქართველი დააკავა. მათ ბრალად ედებათ ცნობილი ბერძენი მსახიობის, ალექსანდროს პართენის და მისი მეგობარი ქალის, ასევე ცნობილი სპორტსმენის, სირბილში ოქროს მედალოსანი კატერინა თანუს სახლის ძარცვა.
ბათუმში ეუთოს საპარლამენტო ასამბლეის ეგიდით, ეკონომიკური კონფერენცია გაიმართება. ღონისძიებას 40-მდე ქვეყნის 200-ზე მეტი დელეგატი დაესწრება – სხვადასხვა სახელმწიფოდან შეხვედრაში მონაწილეობის მისაღებად საპარლამენტო დელეგაციები ჩამოდიან.
სოციალური დახმარების მიღების ახალი სისტემა ლაგოდეხის მოსახლეობას ჯანდაცვის მინისტრმა გააცნო.ზურაბ ჭიაბერაშვილი ერთ-ერთ ოჯახს ესტუმრა და ამ რეფორმაზე ესაუბრა.
ჩიკაგოს სამიტის ფარგლებში საქართველო სამ შეხვედრას დაესწრება. ამის შესახებ ნატოს გენერალურმა მდივანმა ბრიუსელში გამართულ პრესკონფერენციაზე განაცხადა, რომელიც, ძირითადად, სამიტზე განსხილველ საკითხებს დაეთმო.
ანდერს ბრეივიკის სასამართლო პროცესზე, რომელიც, როგორც წესი, მშვიდ გარემოში მიმდინარეობს, დღეს ხმაური იყო. ერთ-ერთი ერაყელი მსხვერპლის ძმამ ბრეივიკს ფეხსაცმელი ესროლა.
სიების დაზუსტების კომისიამ ჟურნალისტებს სახელმწიფო უწყებებისგან მიღებულ განახლებულ მონაცემებში შეტანილი შესწორებები გააცნო. უზუსტობები კომისიამ `კარდაკარის` პრინციპით მიმდინარე გამოკითხვის საფუძველზე აღმოაჩინა
ნორვეგიაში ვიზიტით მყოფი ნიკა გილაური ენერგოკონფერენციას დაესწრო. სიტყვით გამოსვლისას ის ინვესტორებს საქართველოს საინვესტიციო გარემოსა და ქვეყნის ენერგორესურსებზე ესაუბრა.
