მკაცრი ზამთრის გამო, მოსახლეობა დამატებით ენერგოვაუჩერებს მიიღებს. მიხეილ სააკაშვილმა დაავალა მთავრობას, თანხები გამოყოს ბიუჯეტიდან, რომ სოციალურად დაუცველი მოსახლეობა შესაბამისი ვაუჩერებით უზრუნველყონ.
ქრისტიან-დემოკრატიული მოძრაობა და ლეიბორისტული პარტია ბიძინა ივანიშვილის საინიციატივო ჯგუფის მიერ გუშინ გაკეთებულ განცხადებას, რომ პოლიტიკა ფულით კეთდება, დღეს გამოეხმაურნენ და ბიზნესმენი ქონებრივი და ფინანსური ცენზის დაწესებაში დაადანაშაულეს.
აზოვის ზღვაში სამაშველო ოპერაცია მიმდინარეობს. ყინულის საფარში მოყოლილი 10-მდე გემის გამოყვანას ყინულმჭრელი ხომალდების დახმარებით ცდილობენ. ისინი უკვე შემთხვევის ადგილზე იმყოფებიან და გემებისთვის გზას ათავისუფლებენ.
ბაქოში 2008 წლის აგვისტოს ომის შესახებ გადაღებული რუსული ფილმის პრემიერა ჩაიშალა. კინოთეატრის ხელმძღვანელობამ დაგეგმილ ჩვენებაზე უარი საზოგადოების პროტესტის გამო თქვა
უკვე მეორე დღეა ახლობლები 14 წლის ანდრია ლაგვილავას უშედეგოდ ეძებენ - საოკუპაციო ზოლის სიახლოვეს, ზუგდიდის რაიონის სოფელ რუხში მცხოვრები, ეპილეფსიით დაავადებული მოზარდი სახლიდან...
