წერეთლის 72 ნომერში, ძლიერი ქარის გამო, ავარიული მიშენება დაზიანდა. შენობა ნებისმიერ დროს შეიძლება ჩამონგრეულიყო, რის გამოც საჭირო გახდა მისი სასწრაფო დემონტაჟი.
საქართველოში უამინდობით გამოწვეული პრობლემების მოგვარება და სტიქიის შედეგად დაზარალებული მოსახლეობის დახმარება – ამ საკითხებზე სამსჯელოდ მთავრობა დღეს მცხეთაში საგანგებოდ შეკრიბა.
საქართველოს ფარმაცევტული ბაზრიდან იმ პრეპარატების ამოღების პროცედურა იწყება, რომლებშიც ბორის მჟავის შემცველობა ერთ პროცენტზე მეტია. შეზღუდვები საქართველოს სამედიცინო რეგულირების სამსახურმა მსოფლიო ჯანდაცვის ორგანიზაციის რეკომენდაციით დააწესა.
ბრიუსელში დღეს ნატოს ორდღიანი სამიტი იხსნება. შეხვედრაში მონაწილეობას მიიღებენ ალიანსის წევრი 28 და პარტნიორი 20 ქვეყნის თავდაცვის მინისტრები, მათ შორის საქართველოს თავდაცვის უწყების ხელმძღვანელი.
ამერიკაში გრძელდება ქრისტიან-დემოკრატების ვიზიტიც. პარტიის ლიდერები ამერიკის სოფლის მეურნეობის მინისტრის მოადგილეს და დეპარტამენტების თავმჯდომარეებს შეხვდნენ.
