სახელმწიფო მინისტრი ევროინტეგრაციის საკითხებში გიორგი ბარამიძე ლიტვის პრემიერ-მინისტრს ანდრიუს კუბილიუსს შეხვდა. ბათუმში მოლაპარაკებისას მხარეებმა საქართველოს ნატოში ინტეგრაციის პერსპექტივებზე, ქართულ რეფორმებსა და ევროინტეგრაციის პროცესში ლიტვის მხარდაჭერაზე ისაუბრეს.
თბილისში 26 მაისისთვის მზადება დაიწყო. აღმაშენებლის მოედანზე მონტაჟდება სცენა. აქ საქართველოს დამოუკიდებლობის დღესთან დაკავშირებით კონცერტი გაიმართება.
დილიდან ქუთაისის ყველა მოქმედ ტაძარში ზარებს რეკავდნენ. ასე დაიწყო ქუთაისქალაქობის აღნიშნვა. ბაგრატის ტაძარში წირვა აღავლინა ქუთათელ-გაენათელი მიტროპოლიტმა მეუფე კალისტრატემ.
ამერიკელმა მილიარდერმა და მედიამაგნატმა დონალდ ტრამპმა ტელეკოპანია ფოქს ნიუსის ეთერში საქართველოში ვიზიტის შესახებ ისაუბრა. ამერიკელი მილიარდერი შოუში ტელეფონით ჩაერთო და წამყვანებს შთაბეჭდილებები გაუზიარა.
ქუთაისელები ქუთაისქალაქობას აღნიშნავენ. ამ თარიღს ქალაქი განახლებული იერსახით, რეაბილიტირებული თეატრით, ცენტრალური მოედნითა და სხვადასხვა ღონისძიებით ხვდება.
`არნახულ წარმატებას` უწოდებს საქართველოში მიმდინარე დემოკრატიულ ცვლილებებს სენატორი ჯონ მაკკეინი. ქვეყნაში გატარებულ რეფორმებსა და მთავარ გამოწვევებზე მან ვილნიუსის უნივერსიტეტში სიტყვით გამოსვლისას ისაუბრა.
