ქრისტიან-დემოკრატთა მოწვევით, საქართველოში უკრაინული ოპოზიციური პარტიის -`უდარის`ლიდერი ვიტალი კლიჩკო იმყოფება. სამდღიანი ვიზიტის შედეგები მან პარლამენტში შეაჯამა. ის შეხვდა საკანონმდებლო და აღმასრულებელი ხელისუფლების წარმომადგენლებს.
ვიცე-პრემიერმა გიორგი ბარამიძემ კიევის სამართლის ინსტიტუტში საქართველოში წარმატებით განხორციელებულ რეფორმებზე ლექცია წაიკითხა. შეხვედრაზე ყველაზე დიდი ინტერესი იმ შეკითხვამ გამოიწვია, თუ როგორ შეძლო საქართველომ ასეთ მოკლე დროში კორუფციის დამარცხება და ევროპულ ოჯახში შესვლა.
ცხინვალის მარიონეტული რეჟიმის ახალმა ხელმძღვანელმა რუსეთისგან მუდმივი მხარდაჭერის პირობა მიიღო. ამის შესახებ ახლად არჩეულ ე.წ. პრეზიდენტს ლეონიდ თიბილოვს რუსეთის სათათბიროს თავმჯდომარემ სერგეი ნარიშკინმა განუცხადა.
