სომხეთის პრეზიდენტი დღეს ბათუმში ვიზიტით იმყოფებოდა
27.02.10 18:13
სომხეთის პრეზიდენტი დღეს ბათუმში ვიზიტით იმყოფებოდა. სერჟ სარქისიანი მიხეილ სააკაშვილს შეხვდა. ორი ქვეყნის პრეზიდენტებმა ბათუმის ქუჩები დაათვალიერეს. პრეზიდენტები ევროპის მოედანზეც იმყოფებოდნენ, სადაც გამოფენილია ფოტომასალა იმ პროექტების შესახებ, რომლებიც ბათუმში კეთდება.
"ასეთი უღრუბლო და მეგობრული მეზობლობა, როგორიც სომხეთსა და საქართველოს აქვთ, მეორე არ ვიცი. აჭარაში ზაფხულში ბევრი სომეხი დამსვენებელი ჩამოდის, რც ძალიან გვიხარია. ჩვენ ბევრი ეთნიკურად სომეხი საქართველოს მოქალაქე გვაყვს, რაც კიდევ ერთხელ ადასტურებს იმ კეთილ განწყობასა და სიყვარულს, რაც ამ ორ ერს შორის სუფევს," - აღნიშნა სააკაშვილმა.
სერჟ სარქისიანმაც ხაზი გაუსვა ისტორიულ მეგობრულ ურთიერთობას, რაც ორ ქვეყანას შორის არსებობს და განაცხადა, რომ მხოლოდ ერთმანეთის ტკივილის გაზიარებითა და გვერდში დგომით შეძლებენ საქართველო და სომხეთი პრობლემებთან გამკლავებას.
"მესმოდა იმის შესახებ, რომ აჭარაში ბევრი რამ გაკეთა, თუმცა ნანახმა ყოველგვარ მოლოდინს გადააჭარბა," - განაცხადა სერჟ სარქისიანმა.
|
