ბაქრაძე გურჯაანში ინფრასტრუქტურულ პროექტებს გაეცნო
12.11.11 20:00
ინფრასტრუქტურული პროექტების მიმდინარეობას გაეცნო დღეს საქართველოს პარლამენტის თავმჯდომარე კახეთის რეგიონში.
დავით ბაქრაძემ დღეს გურჯაანში, კოსტავასა და მარჯანიშვილის ქუჩებზე გზის საფარისა და წყალგაყვანილობის სისტემის სარეაბილიტაციო სამუშაოები დაათვალიერა.
პარლამენტის თავმჯდომარე ადგილობრივ მოსახლეობასაც შეხვდა და მათ პრობლემებს გაეცნო.
დავით ბაქრაძემ საპენსიო პაკეტის ზრდის სახელმწიფო დაზღვევის საპრეზიდენტო ინიციატივის დეტალებზეც ისაუბრა.
საკანონმდებლო ორგანოს სპიკერმა რეგიონული საავადმყოფოც დაათვალიერა, რომლის მშენებლობაც თებერვალში დასრულდება, მაისიდან კი უახლესი ტექნიკით აღჭურვილი სამკურნალო დაწესებულება უკვე პაციენტებსაც მიიღებს.
|
