`ლეონარდო და ვინჩის` გამარჯვებულები დააჯილდოვეს
15.12.11 16:16
საქართველოს პრეზიდენტის მიერ ინიცირებულ მოსწავლე-გამომგონებელთა საერთაშორისო კონკურს `ლეონარდო და ვინჩის` ახალი გამარჯვებულები ჰყავს. ნორჩი გამომგონებლები დღეს სპეციალური პრიზებით დააჯილდოვეს.
კონკურსის გრან-პრი სოსო მამუკაშვილმა დაიმსახურა, რომელმაც მის გამოგონებას "გონიერი მზის ენერგიის მიმღები წყარო" უწოდა. მან ჯილდოს სახით დიდ ბრიტანეთში სასწავლო-შემეცნებითი ტური მიიღო. პირველი სამი ადგილის მფლობელებს კი ფულადი პრემიები გადაეცათ.
მოზარდების მიერ შექმნილი ინოვაციური პროექტები დღეს საგამოფენო ცენტრ ექსპო-ჯორჯიაში გამოიფინა და ისინი განათლებისა და ენერგეტიკის მინისტრებმა დაათვალიერეს.
კონკურსის ”ლეონარდო და ვინჩი” მიზანი იყო მოსწავლეებში სწავლის დონის ამაღლება, ინოვაციებისა და ტექნიკური პროგრესის მიმართ მოზარდების ინტერესის გაღვივება, გამომგონებლის ნიჭით დაჯილდოებული მოზარდების გამოვლენა, შემოქმედებითი აზროვნებისა და პრაქტიკული უნარ-ჩვევების განვითარების კუთხით მათთვის სტიმულის მიცემა.
|
