ოკუპირებულ ტერიტორიაზე მომხდარი ძალადობის ფაქტისთვის შესაბამისი შეფასების მიცემას ქართული მხარე ევროსაბჭოს საპარლამენტო ასამბლეის სესიაზე მოითხოვს. ქართველი პოლიტიკოსების თქმით, ოკუპანტების მსგავსი ქმედება ბავშვების მიმართ მხოლოდ ფაშისტებისთვის იყო დამახასიათებელი.
მე-10 კლასელ მამუკა ფიფიასთან ოჯახის წევრები დაკავშირებას ისევ ვერ ახერხებენ. შამგონაში მცხოვრები მშობლები ყვებიან, რომ მათ შვილს ოკუპანტებმა სასკოლო ჩანთაში ქართული სახელმძღვანელოს აღმოჩენის შემდეგ სასტიკად სცემეს. მათივე თქმით, მოზარდს ხელი აქვს მოტეხილი და მრავლობითი დაჟეჟილობები აღენიშნება. ომბუდსმენი გიორგი ტუღუში აცხადებს, რომ ინფორმაცია მომხდარის შესახებ რეაგირებისთვის მიეწოდება ყველა საერთაშორისო ორგანიზაციას.
სამეგრელო-ზემო სვანეთის გამგებელს თენგიზ გუნავას ბრალი მოეხსნა. სასამართლომ ეს გადაწყვეტილება იარაღისა და ნარკოტიკების უკანონო შენახვა-მოხმარებისთვის აღძრულ საქმესთან დაკავშირებით მიიღო. ამ შუამდგომლობით სასამართლოს პროკურატურამ მიმართა.
სამართალდამცველებმა ხელვაჩაურის რაიონის გამგებელი ლევან ლორთქიფანიძე და მისი მოადგილე ნიდარ შარაბიძე დააკავეს. შინაგან საქმეთა სამინისტროს ინფორმაციით, დაკავებულებს უფლებამოსილების ბოროტად გამოყენება და სამსახურებრივი სიყალბის ჩადენა ედებათ ბრალად...
ფინანსთა სამინისტროს საგამოძიებო სამსახურმა გუშინ საკრებულოს ფრაქცია ”ნაციონალური მოძრაობის” წევრი დავით წერეთელი დაკითხა. საკრებულოს დეპუტატი გამოძიების შეკითხვებს ხუთი საათის განმავლობაში პასუხობდა.
ვანოს შოუ
იუმორისტული ტოქ-შოუ ცნობილ სტუმრებთან ერთად
კომედი შოუ
უნიკალური იუმორისტული სკეტჩები, სიცილის დღესასწაული რუსთავი 2-ზე !
თავდაცვისა და შინაგან საქმეთა ყოფილი მინისტრი ბაჩო ახალაია გუშინ გლადნის ციხეში გადაიყვანეს. სასჯელაღსრულების მე-9 დაწესებულებიდან სხვა ციხეშია გადაყვანილი გაგა მკურნალიძეც, რომელიც ციხის სკანდალური კადრების საქმეზეა ბრალდებული.
შაშკინის მინისტრობის დროს თავდაცვის სამინისტროში საწვავის არამიზნობრივ ხარჯვაზე ბრალდებებს დიმიტრი შაშკინი უარყოფს. ყოფილი თავდაცვის მინისტრი თავს უდანაშაულოდ მიიჩნევს.
არჩილ კბილაშვილი თავდაცვის სამინისტროში საწვავის არამიზნობრივ ხარჯვაზე დაწყებული გამოძიების ფაქტს გამოეხმაურა. მისი თქმით, დარღვევებს გამოსავლენად და მტკიცებულებების მოპოვებაზე შესაბამისი კომპეტენტური სამსახურები მუშაობენ.
ვლადიმერ ბედაკუძე მთავარ პროკურორთან შეხვედრაზე იმყოფება. ციხეში პატიმრების წამების ამსახველი სკანდალური ვიდეოკადრების ავტორსა და გამავრცელებელს მედიასთან კომენტარი არ გაუკეთებია.
