მთავრობა ელექტროენერგიის ვაუჩერების დარიგებას იწყებს
20.02.12 15:20
საქართველოს მთავრობა ელექტროენერგიის ვაუჩერების დარიგებას იწყებს. ამის შესახებ დღეს პრემიერ-მინისტრმა ნიკა გილაურმა განაცხადა. პრემიერის განმარტებით, მკაცრმა ზამთარმა და ექსტრემალურმა კლიმატურმა პირობებმა მოქალაქეებს ბევრი პრობლემა შეუქმნა, გაიზარდა ელექტროენერგიის მოხმარება და ხარჯი. ამის გათვალისწინებით, მთავრობამ პრეზიდენტის დავალებით, ელექტროენერგიის ვაუჩერის პროგრამა შეიმუშავა. მისი ინფორმაციით, 20-ლარიანი ვაუჩერების დარიგება მიმდინარე კვირაშივე დაიწყება. მას 1,200,000-ზე მეტი ოჯახი ბინაზე მიიღებს. ამ პროცესზე პასუხისმგებელი შრომის, ჯანმრთელობისა და სოციალური დაცვის სამინისტროს სოციალური მომსახურების სააგენტო იქნება. პროგრამის დასაფინანსებლად მთავრობის სარეზერვო ფონდიდან დაახლოებით 25 მილიონი ლარი გამოიყო.
|
