საქართველოსა და ევროკავშირს შორის თავისუფალი ვაჭრობის ხელშეკრულებაზე მოლაპარაკებების დაწყება დღეს ოფიციალურად გამოაცხადდება. ევროკომისარი ვაჭრობის საკითხებში კარლ დე გუხტი თბილისში ჩამოვიდა.
ვიზიტის ფარგლებში, ბელგიის ყოფილი საგარეო საქმეთა მინისტრი საქართველოს პრემიერს შეხვდება. მოლაპარაკებების პირველი რაუნდი მარტის ბოლოს გაიმართება.
საქართველოსა და ევროკავშირს შორის თავისუფალი ვაჭრობის ხელშეკრულებაზე მოლაპარაკებების დაწყების გადაწყვეტილება ევროკავშირმა დაახლოებით ორი თვის წინ მიიღო.
საქართველოს პრემიერ-მინისტრმა დღეს არასამთავრობო სექტორი უფლებათა გადაჭარბებისთვის გაკრიტიკა და ამის მაგალითად საქართველოს ახალგაზრდა იურისტთა ასოციაცია მოიყვანა.
მთავარი პროკურორის გადაწყვეტილებით, 2008 წლის აგვისტოს საომარი მოქმედებების დროს და მის შემდგომ პერიოდში სავარაუდოდ ჩადენილი დანაშაულებრივი ქმედებების შესასწავლად სპეციალური საგამოძიებო ჯგუფი შეიქმნება.
სახელდება პრეზინდეტობის კიდევ ერთ სავარაუდო კანდიდატი ნაციონალური მოძრაობის მხრიდან. დეპუტატი ზურაბ ჯაფარიძე ნაციონალური მოძრაობის პრაიმერიში მიიღებს მონაწილეობას, რომელიც საპრეზიდენტო კანდიდატის შესარჩევად გაიმართება.
პირადი ცხოვრების ფარული ვიდეო გადაღების შესახებ განცხადებას ავრცელებს მთავარი პროკურატურა. მასში ნათქვამია, რომ ინტერნეტში პირადი ცხოვრების ამსახველი კადრების განთავსების საქმეზე გამოძიებას პროკურორის პირველი მოადგილე ლაშა ნაცვლიშვილი ატარებდა.
ავღანეთში დაღუპულთა ოჯახებს მიუსამძიმრეს ქვეყნის პირველმა პირებმა. პრეზიდენტის სამძიმრის წერილი ფეისბუქის ოფიციალურ გვერდზე, პრემიერის განცხადება კი საქართველოს მთავრობის გვერდზე გამოქვეყნდა.
საერთაშორისო ოლიმპიური კომიტეტის შტაბბინა და შვეიცარიის მთავრობა საქართველოს ოლიმპიურ კომიტეტს მიღებული გადაწყვეტილებისათვის მადლობას უხდის, წერილს კი ხელს შვეიცარიის ელჩი გიუნტერ ბეხლერი აწერს.
ინტერპოლი და ლიტვის სასამართლო იმ დასკვნამდე მივიდნენ, რომ გივი თარგამაძეს რუსეთი პოლიტიკური მოტივით დევნის. ამის შესახებ საუბარია `ნოვაია გაზეტას` სტატიაში.
