ნიკა გილაურმა ლიბანში შეხვედრები გამართა
23.03.12 10:59
საქართველოს პრემიერ-მინისტრი პირველი ოფიციალური ვიზიტით იმყოფება ლიბანში. ის უკვე შეხვდა პრეზიდენტს, პარლამენტის თავმჯდომარეს და ლიბანის პრემიერ-მინისტრს. შეხვედრებზე გადაწყდა, რომ შეიქმნება მთავრობათაშორისი საბჭო, რომელიც თანამშრომლობის საკითხებზე იმსჯელებს.
იგეგმება საქართველოში ლიბანური ინვესტიციების ჩადება და სავიზო რეჟიმის გამარტივებაც. უახლოეს მომავალში საქართველოში ლიბანის დელეგაციაც ჩამოვა პრემიერის ხელმძღვანელობით.
ნიკა გილაური ლიბანელ ბიზნესმენთა ფორუმსაც დაესწრო და მათ საქართველოს ეკონომიკური მდგომარეობა გააცნო. რამდენიმე ლიბანელი ბიზნესმენი ტურიზმით, სოფლის მეურნეობითა და ენერგეტიკის სფეროთი დაინტერესდა.
|
