რაულ ცირეკიძე ევროპის 2012 წლის ჩემპიონია
15.04.12 17:44
რაულ ცირეკიძე ევროპის 2012 წლის ჩემპიონია. ქართველმა ძალოსანმა ანტალიაში კონტინენტის პირველობაზე ბრწყინვალედ იასპარეზა და 85 კილოგრამ წონით კატეგორიაში პირველობა არავის დაუთმო.
ცირეკიძე ერთადერთი სპორტსმენი იყო ტუნრირზე, რომელმაც ატაცსა და აკვრაში ექვსივე ცდა გამოიყენა. საბოლოოდ, 365 კილოგრამი მოაგროვა და ოქროს მედალიც დაიმსახურა.
საქართველოს ძალოსნობის ფედერაციას ამ დროისთვის ოლიმპიური თამაშების სამი ლიცენზია აქვს მოპოვებული. რამდენიმე დღეში, ეროვნული გუნდის მთავარი მწვრთნელი იმ სამი ძალოსნის ვინაობას გააჟღერებს, რომლებიც ქვეყნის ღირსებას ოლიმპიადაზე დაიცავენ.
დღეს ევროპის ჩემპიონატის დასკვნითი ფინალური ეტაპი გაიმართება. საქართველოს ძალოსანთა ნაკრები სამშობლოში ხვალ დაბრუნდება.
|
