სურამში წყალმომარაგების სისტემის სარეაბილიტაციო სამუშაოები დაიწყო
28.04.12 17:49
სურამში წყალმომარაგების სისტემის სარეაბილიტაციო სამუშაოები დაიწყო. პროექტის ფარგლებში, წყალმომარაგების სიტემის რეაბილიტაცია სულ საქართველოს მასშტაბით 17 ქალაქში იგეგმება.
დღეს სამუშაოების დაწყებას სურამში პარლამენტის თავმჯდომარე და რეგიონული განვითარებისა და ინფრასტრუქტურის მინისტრი ესწრებოდნენ.
გეგმის მიხედვით, შეიცვლება 32-კილომეტრიანი მთავარი წყალსადენი მილი, აშენდება სათავე ნაგებობა და ერთიც სატუმბი სადგური.
სამუშაოებზე 70-მდე ადგილობრივი მოსახლეა დასაქმებული.
პროექტი მომავალ წელს დასრულდება და სურამის მოსახლეობას წყალი 24 საათის განმავლობაში მიეწოდება.
|
