ქრისტიან-დემოკრატები ხელისუფლებას სამ ახალი ინიციატივას სთავაზობენ. ეს ინიციატივები სამედიცინო დაზღვევას ეხება. ოპოზიციის აზრით, უნდა გაფართოვდეს სადაზღვევო პოლისით ანაზღაურებადი მედიკამენტების სია, არანაკლებ 80%-ით დაფინანსდეს მაღალტექნოლოგიური კვლევები და დაფინანსდეს სარეაბილიტაციო პროგრამები შეზღუდული შესაძლებლობების პირებისთვის.
მაგდა ანიკაშვილის მტკიცებით, ამ ცვლილებების გარეშე, ჯანდაცვის ხელმისწვდომობის კუთხით პრობლემების მოგვარება შეუძლებელია. თავის ინიციატივას ქრისტიან-დემოკრატები პლენარულ სხდომაზე განიხილავენ.
პროსტიტუციისთვის ადგილის გადაცემის ფაქტზე შსს-ს აჭარის მთავარი სამმართველოს დეტექტივების სამმართველოს თანამშრომლებმა სასტუმრო `ზიგანას` მენეჯერი შორენა ხ. დააკავეს.
აღმოსავლეთ საქართველოში რამდენიმე საათია გადაუღებლად და ძლიერად წვიმს. სტიქიამ უკვე მნიშვნელოვნად დააზარალა მოსახლეობა. საცხოვრებელი სახლები და ნაკვეთები დატბორილია, დანგრეულია გზები. განსაკუთრებით მძიმე ვითარებაა მცხეთის რაიონის სოფელ ერედაში.
საქართველოს პრეზიდენტი ეროვნული უშიშროების საბჭოს მორიგ სხდომას იწვევს, სადაც ავღანეთში მომხდარი თავდასხმას, მუქარის შემცველი ვიდეოკლიპების გავრცელებას და მასთან დაკავშირებულ უსაფრთხოების საკითხებს განიხილავენ.
ტელეკომპანია რუსთავი2-ის ინფორმაციით, გამოძიებისთვის, სავარაუდოდ, უკვე ცნობილია, რომ თალიბანის სახელით youtube.com-ზე გავრცელებული ვიდეორგოლები `თალიბანის შურისძიების` შესახებ საქართველოდან არის ატვირთული.
ტურიზმის ეროვნულ ადმინისტრაციას ახალი ხელმძღვანელი ჰყავს. ეკონომიკის მინისტრის პირველმა მოადგილემ ამ თანამდებობაზე გიორგი სიგუა დანიშნა, რომელიც ამ დრომდე საქართველოს პარლამენტში რეგიონული პოლიტიკის კომიტეტის თავმჯდომარის თანაშემწე იყო...
ავღანეთში გარდაცვლილთა ოჯახებს სამძიმარს უცხადებს საქართველოს პრეზიდენტი. მისი თქმით, საქართველომ მორიგი მსხვერპლი ქვეყნის თავისუფლებისა და დამოუკიდებლობისთვის გაიღო.
