თურქეთის ქალაქ ალანიაში საქართველოს მოქალაქეები დააკავეს. ამჯერად სამართალდამცველებმა პროსტიტუციის ბრალდებით საქართველოს 5 მოქალაქე აიყვანეს. ისინი ქალაქის ერთ-ერთ სასტუმროში არალეგალურ საქმიანობას ეწეოდნენ. ხუთივე დაკავებული ქალია. მათი ასაკი 33-დან 50 წლამდეა. თურქული მედია მხოლოდ მათ სახელებს ახმაურებს. ამჟამად დაკავებულები სამედიცინო შემოწმებას გადიან. რამდენიმედღიანი გამოძიების შემდეგ კი, სავარაუდოდ, მათ თურქეთიდან სამშობლოში დეპორტაცია ელით.
ექვსი ადამიანი დაშავდა გლდანში, ერთ-ერთ კორპუსში მომხდარი აფეთქების შედეგად. დაშავებულთა შორის ბავშვებიც არიან. შემთხვევა დღეს დილით მოხდა. წინასწარი ინფორმაციით, აფეთქება 9 სართულიანი სახლის მეშვიდე სართულზე მდებარე ბინაში გაზის დაგროვებამ გამოიწვია.
მკვლელობა მოხდა თბილისში. რუსთაველის გამზირზე ახალგაზრდა მამაკაცს ცივი იარაღით მძიმე ჭრილობები მიაყენეს. დაჭრილი საავადმყოფოში გდაიყვანეს, თუმცა მისი გადარჩენა ვერ მოხერხდა.
საქართველოს პრემიერ-მინისტრი ჯეიმს აპატურაის შეხვდა. შეხვედრა პრემიერ-მინისტრის რეზიდენციაში გაიმართა. მხარეებმა საქართველოს ნატოში ინტეგრაციის საკითხებზე ისაუბრეს.
სოფელ დიცსა და დვანთან შექმნილ ვითარებაზე სატელეფონო საუბარი შედგა რუსეთის საგარეო საქმეთა მინისტრის მოადგილე გრიგორი კარასინსა და სამხრეთ კავკასიაში ევროკავშირის სპეციალურ წარმომადგენელ ფილიპ ლეფორს შორის.
ვანოს შოუ
იუმორისტული ტოქ-შოუ ცნობილ სტუმრებთან ერთად
კომედი შოუ
უნიკალური იუმორისტული სკეტჩები, სიცილის დღესასწაული რუსთავი 2-ზე !
თბილისში, დიღმის მასივში შეიარაღებული თავდასხმა მოხდა. ორი შეიარაღებული პირი თავს დაესხა სწრაფი გადახდის აპარატების ინკასატორს და გარკვეული თანხის გატაცება მოახერხა.
ცხინვალის რეგიონის საოკუპაციო ხაზთან შექმნილ ვითარებაზე კომენტარი საქართველოში შეერთებული შტატების ელჩმა გააკეთა. რიჩარდ ნორლანდი აცხადებს, რომ ამერიკის შეერთებული შტატების მხარდაჭერა საქართველოს ტერიტორიული მთლიანობისადმი უცვლელია.
"ერთიანი ნაციონალური მოძრაობის" გენერალურ მდივანს, სავარაუდოდ, ახლო მომავალში დამატებით ბრალდებებს წაუყენებენ - ამის შესახებ პრემიერ-მინისტრმა გაზეთ "პრაიმ-ტაიმისთვის" მიცემულ ინტერვიუში განაცხადა.
