ავთანდილ ლიპარტელიანი სასამართლოს წინაშე ხვალ წარდგება
10.05.12 12:13
ოსლოს სასამართლოს წინაშე ავთანდილ ლიპარტელიანი ხვალ წარდგება. კუნძულ უტოიაზე მოკლული თამთა ლიპარტელიანის მამა შეეცდება სასამართლო დაარწმუნოს, რომ ნორვეგიელ ტერორიტს სამუდამო პატიმრობა შეუფარდონ.
ქართველ მოწმესთან ერთად, იმ ახალგაზრდების ჩვენებებსაც მოისმენენ, რომლებიც გასული წლის 22 ივლისს ანდრეს ბრეივიკის ტყვიას გადაურჩნენ. მათ შორის არის კიდევ ერთი ქართველი - ნათია ჩხეტიანი.
სასამართლოს შენობასთან კი არ წყდება ხალხის ნაკადი, რომლებიც ყვავილებით ხელში ტერაქტის შედეგად დაღუპულებს იხსენებენ.
ბრეივიკი აღიარებს 77 ადამიანის მკვლელობას ორი ტერაქტის შედეგად, რომელიც გასული წლის ივლისში ოსლოსა და კუნძულ უტოიაზე ჩაიდინა, თუმცა თავს დამნაშავედ არ ცნობს და აცხადებს, რომ ის თავდაცვის მიზნით მოქმედებდა.
|
