ბათუმში ეუთოს საპარლამენტო ასამბლეის ეგიდით, ეკონომიკური კონფერენცია გაიმართება. ღონისძიებას 40-მდე ქვეყნის 200-ზე მეტი დელეგატი დაესწრება – სხვადასხვა სახელმწიფოდან შეხვედრაში მონაწილეობის მისაღებად საპარლამენტო დელეგაციები ჩამოდიან. დღეს მათთვის სპეციალური მიღებაა დაგეგმილი. ეუთოს ეკონომიკურ კონფერენციაზე საინვესტიციო გარემოს შესახებ, კორუფციის წინააღმდეგ ბრძოლაზე, სატრანსპორტო ინფრასტრუქტურაზე, ენერგეტიკულ უსაფრთხოებასა და ტურიზმთან დაკავშირებულ საკითხებზე იმსჯელებენ.
გივი თარგამაძე რუსეთის პრეზიდენტს ვლადიმერ პუტინს მიმართავს. ლიტვაში მყოფი დეპუტატი პუტინს ახსენებს, რომ ის არა რომელიმე პოლიტიკოსმა, არამედ ევროპულმა სამართალმა დაიცვა.
გრძელდება საქართველოს შინაგან საქმეთა მინისტრის ოფიციალური ვიზიტი ისრაელში. ირაკლი ღარიბაშვილი ქვეყნის სახმელეთო დაცვისა და კავშირგაბმულობის მინისტრს შეხვდა.
მეორე მსოფლიო ომის ვეტერანები დილიდან ვაკის პარკში შეიკრიბნენ. ფაშიზმზე გამარჯვების დღეს მათ ხელისუფლების წარმომადგენლები ულოცავენ. ცოტა ხნის წინ ვაკის პარკში პრემიერ-მინისტრიც მივიდა.
