სააკაშვილი მეწარმეებს შეხვდა
27.05.12 14:44
თბილისში სამუშაო ადგილების შექმნა დაასახელა ხელისუფლების პრიორიტეტად საქართველოს პრეზიდენტმა. ამ თემაზე მიხეილ სააკაშვილმა ქართული ბიზნესის წარმომადგენლებთან შეხვედრაზე ისაუბრა, რომელიც ავეჯის მწარმოებელი კომპანია "ემბავუდის" ქარხანაში გაიმართა.
პრეზიდენტი იმ მრეწველებს შეხვდა, რომლებიც გუშინ თბილისში გამართულ სამრეწველო გამოფენაში მონაწილობდნენ.
ქვეყნის პირველი პირის თქმით, ქვეყნის სტაბილური განვითარების გარანტია სწორედ წარმატებული ბიზნესმენები და ბიზნესია.
შეხვედრისას პრეზიდენტმა ქართული პროდუქციის მსოფლიოში პოპულარობის გაზრდაზე გაამახვილა ყურადღება. აქცენტი გაკეთდა საქართველოში ტურისტების რაოდენობის მატებაზეც.
პრეზიდენტმა მეწარმეებისგან კონკრეტული რეკომენდაციები და ინიციატივები მოისმინა.
|
