ლატვიის კულტურის მინისტრთან ერთად, საქართველოს პრეზიდენტმა რიგაში ხელოვნების სკოლის შენობაზე შოთა რუსთაველის ბარელიეფი გახსნა.
მიხეილ სააკაშვილმა განაცხადა, რომ უდიდესი ქართველი პოეტის მემორიალი ყველა ქვეყანაში უნდა არსებობდეს, რომელთანაც საქართველოს დიპლომატიური ურთიერთობა აქვს.
"ეს არის ძალიან ლამაზი ჟესტი ლატვიის მთავრობისა და საზოგადოების მხრიდან. რუსთაველი არის საქართველო ჩვენთვის. და, როგორც საქართველოს საელჩო არის ყველგან, ასევე რუსთაველი უნდა იყოს ყველგან, სადაც არის საქართველო," - თქვა მან.
ეროვნულ მუსიკალურ ცენტრში განვითარებულ მოვლენებს საქართველოს კულტურის მინისტრი გამოეხმაურა. გურამ ოდიშარია აცხადებს, რომ ცენტრის მუშაობაში გამოვლენილ დარღვევებს სპეციალური კომისია სწავლობს.
26 მაისთან დაკავშირებული საზეიმო მიღება ბაზალეთის ტურისტულ კომპლექსში გაიმართა. საქართველოს პრემიერ-მინისტრმა სიტყვით გამოსვლისას 26 მაისის თარიღის მნიშვნელობაზე ისაუბრა და მადლობა გადაუხადა მოწვეულ სტუმრებს სიხარულის გაზიარებისთვის.
17 მაისს მომხდარ ფაქტებზე საუბრისას, საქართველოს კათოლიკოს–პატრიარქი სასულიერო პირების ქცევის გამო წუხილს გამოთქვამს. ილია მეორის თქმით, მიუღებელია იდეები, რომელთა დანერგვასაც საქართველოში ზოგიერთი ჯგუფი ცდილობს, თუმცა სამღვდელოების საქციელი მოსაწონი მაინც არ იყო.
ვანოს შოუ
იუმორისტული ტოქ-შოუ ცნობილ სტუმრებთან ერთად
კომედი შოუ
უნიკალური იუმორისტული სკეტჩები, სიცილის დღესასწაული რუსთავი 2-ზე !
დღეს გიორგობაა. მართლმადიდებელი ეკლესია 6 მაისს წმინდა გიორგის აღსრულებას აღნიშნავს. დღესასწაულთან დაკავშირებით საზეიმო წირვა-ლოცვას პატრიარქი სამების ტაძარში აღავლენს.
ტაო-კლარჯეთში მყოფი ქართველი სპეციალისტები დღეს ოშკს მოინახულებენ. მანამდე კი ისინი იშხნის კომპლექსში იმყოფებოდნენ. მათ თურქ კოლეგებთან ერთად პირველი ერთობლივი მონიტორინგის შემდეგ ადგილზე საველე-სამუშაო შეხვედრა გამართეს.
კულტურის სამინისტროს დელეგაცია თურქეთში გაემგზავრა. ქართული მხარის წარმომადგენლები თურქ სპეციალისტებთან ერთად იშხნის ტაძრის ირგვლივ შექმნილ ვითარებაზე იმსჯელებენ.
