ეროვნული გამოცდებისთვის სამზადისი დასრულებულია
27.06.12 11:19
ერთიანი ეროვნული გამოცდები ხვალ იწყება. საგამოცდო ცენტრებში მზადება მთლიანად დასრულებულია. დამონტაჟებულია ვიდეოკამერები, დაწყობილია მერხები. წელს საგამოცდო პროცესში აბიტურიენტების სტუდენტების და პედაგოგების ჩათვლით, სულ 80,000 ადამიანი მიიღებს მონაწილეობას. საბოლოო შედეგები კი 25 აგვისტოს იქნება ცნობილი.
გასულ წელთან შედარებით, ცვლილებების საგამოცდო წესებში შვიდის ნაცვლად, აბიტურიენტებს 20 სასურველი ფაკულტეტის შერჩევის საშუალება აქვთ, ამასთან, მეოთხე არჩევით საგნად მხოლოდ მაპროფილებელი საგნები დაწესდა.
გამოცდებს 1300 დამკვირვებელი დააკვირდება. 17 საგამოცდო ცენტრი საქართველოს 12 ქალაქში მუშაობს. ხვალ პირველი გამოცდა ქართულ ენასა და ლიტერატურაში ჩატარდება. აბიტურიენტთა რეგისტრაცია დილის 8 საათზე დაიწყება.
|
