სააკაშვილმა ბაგრატის ტაძარი მოინახულა
01.07.12 15:31
საქართველოს პრეზიდენტმა ქუთაისში ბაგრატის ტაძარი მოინახულა. მიხეილ სააკაშვილმა ადგილზე მიმდინარე სარეკონსტუქციო სამუშაოები კიდევ ერთხელ დაათვალიერა.
ბაგრატის აღდგენის საკითხს იუნესკოს კომიტეტი მომავალ წელს მიუბრუნდება, მანამდე კი ქართული მხარე გაეროსგან ექსპერტების გაფართოებული ჯგუფის გამოგზავნას ითხოვს, რათა სპეციალისტებმა თავისი თვალით ნახონ, როგორ მიმდინარეობს მსოფლიო მნიშვნელობის ქართული ძეგლის რეკონსტრუქცია.
იუნესკოს მსოფლიო კულტურული მემკვიდრეობის კომიტეტის სესიაზე, ქართულმა მხარემ სხვადასხვა დოკუმენტი წარადგინა, რათა იუნესკოს წევრი ქვეყნების ექსპერტები დაერწმუნებინა, რომ ბაგრატის რეკონსტრუქცია ყველა ნორმის დაცვით მიმდინარეობს.
|