პრეზიდენტმა ბათუმში ორი ახალი სასტუმრო გახსნა
03.07.12 16:52
მიხეილ სააკაშვილმა ბათუმში ორი ახალი სასტუმრო გახსნა. ორივე მათგანი ბათუმის ცენტრში მდებარეობს და ტურისტებს მაღალი დონის მომსახურებას სთავაზობს. ქართული და უცხოური ინვესტიციებით განხორციელებული ეს პროექტები 10 მილიონ ლარზე მეტი დაჯდა. სასტუმროებში 100-ზე მეტი მოქალაქე დასაქმდა.
პრეზიდენტმა ნომრების დათვალიერების შემდეგ განაცხადა, რომ ბათუმში ჩადებული ინვესტიციები სულ უფრო აშკარას ხდის განსხვავებას ძველ და ახალ ქალაქს შორის.
პრეზიდენტის თქმით, აჭარაში, სადაც ყოველწლიურად იზრდება ტურისტთა რიცხვი, უფრო მეტი მოთხოვნილება გაჩნდა სასტუმროებზე, რაც ადგილობრივი მოსახლეობისთვის დამატებითი შემოსავლის წყაროა.
|
