ქლორის გაჟონვით 73 ადამიანი მოიწამლა
04.07.12 10:33
ლილოში ქლორის გაჟონვის შედეგად 73 ადამიანი მოიწამლა. ერთი მათგანი - 18 წლის ლაშა ნარიმანიძე კომატოზურ მდგომარეობაშია.
წუხელ ლილოს დასახლებაში, ერთი-ერთ კერძო საწარმოში ავზიდან ქლორმა დაახლოებით ღამის 11 საათზე გაჟონა. მაშველებმა ავზის უსაფრთხო ადგილზე გადატანა სცადეს, სწორედ ამ დროს ავზიდან ქლორმა მეორედ გაჟონა.
დაზიანებული ავზიდან გამონაბოლქვი წყლის ჭავლის მეშვეობით გააუვნებლეს და ავზს ონკანი შეუცვალეს. მომწამვლელი აირის ზემოქმედების გამო დაზარალებულებს ძირითადად სასუნთქი გზების დაზიანება აღენიშნებათ. შემთხვევის ადგილზე სახანძროს 15 ბრიგადა, სამაშველოს, სასწრაფო და საპატრულო პოლიციის თანამშრომლები მთელი ღამის განმავლობაში მუშაობდნენ
მოწამლულები სხვადასხვა საავადმყოფოი გადაანაწილეს. მათ შორის ერთი ორსულია; არიან ბავშვებიც და სხვა ადგილობრივი მცხოვრებლები.
დაშავებულები წუხელვე მოინახულეს საქართველოს პრეზიდენტმა მიხეილ სააკაშვილმა და ჯანდაცვის მინისტრმა ზურაბ ჭიაბერაშვილმა.
|
