ეუთოს საპარლამენტო ასამბლეაზე საქართველოს შესახებ იმსჯელებენ
06.07.12 12:09
ეუთოს საპარლამენტო ასამბლეაზე საქართველოს შესახებ მომზადებულ რეზოლუციას დღეს კენჭს უყრიან. დოკუმენტი სახელწოდებით `საქართველოში არსებული ვითარება` პოლონელმა დეპუტატმა მოამზადა.
მასში საუბარია ასევე ოკუპირებულ რეგიონებზე და სამხრეთ ოსეთთან და აფხაზეთთან მიმართებით გამოყენებულია ტერმინი - ოკუპაცია.
ეუთოს საპარლამენტო ასამბლეა კიდევ ერთხელ გამოხატავს მხარდაჭერას საქართველოს ტერიტრიული მთლიანობისადმი და აღიარებს მის სუვერენიტეტს საერთაშორისოდ აღიარებულ ფარგლებში. ეუთო მოუწოდებს რუსეთს პატივი სცეს საერთაშორისო კანონმდებლობას და შეასრულოს ცეცხლის შეწყვეტის შესახებ 2008 წელს დადებული ხელშეკრულება.
`საქართველოში არსებულ მდგომარეობასთან დაკავშირებული რეზოლუცია ერთ-ერთი ყველაზე მნიშვნელოვანი საკითხია სესიაზე მონაკოში. მისი შექმნის მიზანი იყო ყურადღება გაგვემახვილებინა და დადებითად შეგვეფასებინა საქართველოში არსებული მდგომარეობა, ასევე შევხებოდით წინა საარჩევნო გარემოს. ჩვენ მხარს ვუჭერთ საქართველოს ტერიტორიულ მთლიანობას და ვთვლით, რომ ცეცხლის შეწყვეტის შესახებ შეთანხმება ბოლომდე არ არის შესრულებული. ჩვენ გვსურდა ეს საკითხი მოახლოებულ არჩევნებამდე დაგვესვა,`- განაცხადა პოლონელმა დეპუტატმა მიხეილ შაჩერბამ.
ეუთოს საპარლამენტო ასამბლეა მონაკოში იმართება.
|
