ივანიშვილმა რეგიონებში მაჟორიტარობის კანდიდატები წარადგინა
12.07.12 12:09
"ქართული ოცნების" ლიდერმა ბიძინა ივანიშვილმა რეგიონებში კოალიციის მაჟორიტარობის კანდიდატები წარადგინა. მათგან უმრავლესობა "ქართული ოცნების" წევრია.
კერძოდ, კოალიციის სახელით, სიღნაღში – გელა გელაშვილი, დედოფლისწყაროში – ალექსანდრე თამაზაშვილი, ლაგოდეხში – ლუკა კურტანიძე, ყვარელში – დავით ქევხიშვილი, ახმეტაში – ზურაბ ზვიადური, ბორჯომში – გედევან ფოფხაძე, ახალციხეში – გურამ კუტალაძე, ადიგენში – ბიძინა გუჯაბიძე, ასპინძაში – თემურ მაისურაძე, ონში – თამაზ ჯაფარიძე, მესტიაში – ვიქტორ ჯაფარიძე, თერჯოლაში – ომარ ნიშნიანიძე, საჩხერეში – მანანა კობახიძე, ვანში – გოდერძი ტყეშელაშვილი, წყალტუბოში – პაატა ზაქარეიშვილი, ხობში – გია ბუკია, ჩხოროწყუში - ლევან იზორია და ბათუმში მურმან დუმბაძე იყრიან კენჭს.
რაც შეეხება თბილისის მაჟორიტარ დეპუტატობის კანდიდატებს, მათი ვინაობა ერთ კვირაში გახდება ცნობილი, თუმცა ბიძინა ივანიშვილის თქმით, რამდენიმე დღის წინ დავით ბერძენიშვილის მიერ დასახელებულ სიასთან მას საერთო არაფერი აქვს. "ქართული ოცნების" ლიდერის განმარტებით, რესპუბლიკელების ლიდერმა იჩქარა.
|
