ოპოზიციური პარტიები ახალ დეკლარაციას შეუერთდებიან
15.07.12 15:28
"ნაციონალური მოძრაობის" ახალ ინიციატივას დღეს პირველები "ახალი მემარჯვენეებიდან" გამოეხმაურნენ. მანანა ნაჭყებია აცხადებს, რომ პარტია დეკლარაციას მიუერთდება. ინიციტივას ეთანხმებიან ეროვნულ-დემოკრატებიც. დეკლარაციაზე ხელის მოწერას გეგმავენ გიორგი თარგამაძის პოლიტიკურ გაერთიანებაშიც.
თავისუფალი და სამართლიანი არჩევნებისათვის სხვადასხვა პარტიას დღეიდან "ნაციონალური მოძრაობის" მიერ შეთავაზებულ დეკლარაციასთან მიერთება შეუძლია.
მმართველი გუნდის ინიციატივა 4-პუნქტიანია. მასში ლაპარაკია, რომ პოლიტიკური პარტიები უარს იტყვიან ამომრჩევლების მოსყიდვაზე, საარჩევნო კამპანიას ჩაატარებენ ძალადობის გარეშე, გაითვალისწინებენ ცესკოსა და არასამთავრობო სექტორის რეკომენდაციებს და აღიარებენ არჩევნების შედეგებს.
|
