სტიქიამ თბილისი დააზარალა
15.07.12 15:13
თბილისის საქალაქო სამსახურები სტიქიის შედეგად მიყენებული ზარალის აღმოფხვრასა და გზების გაწმენდაზე მუშაობენ. ყველაზე მეტად წვიმამ ისანი-სამგორის და ვაკე-საბურთალოს რაიონები დააზარალა.
დატბორილი იყო სახლების პირველი სართულები და სარდაფები, ასევე გმირთა მოედნის მიწისქვეშა გასასვლელი, წუხელ საგანგებიო სიტუაციების სამსახურში მოქალაქეებისგან 100-ზე მეტი გამოძახება შევიდა.
წვიმა საღამოს 8 საათზე დაიწყო და ერთი საათის განმავლობაში დედაქალაქში გადაჭარბებულად ბევრი ნალექი დაგროვდა.
ავტომანქანებს გადაადგილება უჭირდათ თბლისის სხვა უბნებშიც. გმირთა მოედანზე მიწისქვეშა გადასასვლელი წყლით იმდენად აივსო, რომ ავტომანქანის გამოყვანა გაჭირდა.
ერთსაათიანმა ძლიერმა წვიმამ თბილისის უბნებში ასფალტის საფარი დააზიანა. მთლი ღამის განმავლობაში დასუფთავებისა და სამაშველო სამსახურის ბრიგადები საგანგებო რეჟიმში მუშაობდნენ. წუხელვე სტიქიისგან დაზარალებულები თბილისის მერის მოადგილემ მოინახულა.
წვიმამ გზებზე ქვა-ღორღი ჩამოიტანა, რის გამოც ვაკე-საბურთალოს დამაკავშირებელ გზაზე რამდენიმე საათით მოძრაობა შეწყდა. დღეს გამთენიას ბაგებში მეწყერი ჩამოწვა. დაზიანდა საცხოვრებელ სახლებამდე მისასვლელი გზა.
სინოპტიკოსების ვარაუდით, მცირე ნალექი თბილისში დღესაც მოსალოდნელია.
ჰაერის ტემპერატურის მატებას და ნაკლებ ნალექს სინოპტიკოსები ივლისის ბოლოდან პროგნოზირებენ.
|
