ცესკოში პარტიული და მაჟორიტარული სიების წარდგენა დასრულდა
01.09.12 21:06
ცენტრალურ საარჩევნო კომისიაში პარტიული და მაჟორიტარული სიების წარდგენა დასრულდა. ვადის ამოწურვამდე ცოტა ხნით ადრე, ცესკოში პარტიული სია მმართველმა გუნდმა შეიტანა.
"ერთიანი ნაციონალური მოძრაობის" სიის პირველი ნომრის ვინაობა აქამდეც ცნობილი იყო. ის პარლამენტის თავმჯდომარე დავით ბაქრაძეა. დღეს კი დანარჩენი 154 კანდიდატიც დასახელდა.
პარტიული სიის პიველი ათეული ასე გამოიყურება: 1. დავით ბაქრაძე, 2. პეტრე ცისკარიშვილი, 3. გიორგი ბარამიძე, 4. თინათინ ბოკუჩავა, 5. გიორგი თევდორაძე, 6. ჩიორა თაქთაქიშვილი, 7. მიხეილ მაჭავარიანი, 8. გიორგი ვაშაძე, 9. დავით საყვარელიძე, 10. მარიამ საჯაია.
სხვა პოლიტიკურ გაერთიანებებთან ერთად დღესვე, 167–კაციანი პარტიული სია ცენტრალურ საარჩევნო კომისიაში ლეიბორისტებმაც წარადგინეს. სიის პირველი ნომერი შალვა ნათელაშვილია. მას მოჰქვებიან: 2. სოსო სატბერაშვილი, 3. გიორგი გუგავა, 4. კახაბერ ძაგანია, 5. პაატა ჯიბლაძე, 6. კონსტანტინე გუგუშვილი, 7. ნინო მეტრეველი, 8. სიმონ პეტრიაშვილი, 9. ლეილა გაფრინდაშვილი, 10. ვაჟა რაზიკაშვილი მოჰყვებიან.
|
