საპრეზიდენტო პროგრამა, რომელიც 50 წელს გადაცილებული მოსახლეობის სტომატოლოგიურ მომსახურებას გულისხმობს, გრძელდება. პირველი ადგილი, სადაც ამ კატეგორიის პირებს დახმარება აღმოუჩინეს ლანჩხუთის მუნიციპალიტეტის სოფელი სუფსაა.
1000-მა მოქალაქემ უკვე მიიღო თერაპიული და ქირურგიული მომსახურება, მათ ნაწილს კი ორთოპედიული მკურნალობაც ჩაუტარდა. სტომატოლოგიური მომსახურება მოსახლეობას მოწვეულმა ექიმებმა სპეციალურად აღჭურვილ ორ სამედიცინო ავტობუსში გაუწიეს.
მას შემდეგ რაც პროგრამა ”ღიმილიანი საქართველო” ამოქმედდა, 200-მდე ადამიანს კბილის პროთეზირება გაუკეთდა. მომდევნო დღეებში მოძრავი სტომატოლოგიური კაბინეტი ოზურგეთის სოფელ ნატანებში გადაინაცვლებს და 2000-ზე მეტ 50 წელს გადაცილებულ მოქალაქეს გაუწევს მომსახურებას. მანამდე კი საპრეზიდენტო პროგრამის მიმდინარეობას სუფსაში თავად პრეზიდენტი გაეცნო.
ზურაბ ჭიაბერაშვილმა ქუთაისის N2 სასჯელაღსრულების დაწესებულება დატოვა. კახეთში პრეზიდენტის რწმუნებული მას შემდეგ გაათავისუფლეს, რაც მისმა ოჯახმა 20,000 ლარის გირაოს თანხა გადაიხადა.
ვანო მერაბიშვილის მეუღლე საქართველოში დაბრუნდა. თაკო სალაყაია თბილისში გვიან ღამით ჩამოფრინდა. მან ჟურნალისტებთან კომენტარი არ გააკეთა. ყოფილი პრემიერის მეუღლესთან ერთად საქართველოში ჩამოვიდა თბილისის მერი.
ვანო მერაბიშვილის დაკავებას თავდაცვის ყოფილი მინისტრი, დიმიტრი შაშკინიც გამოეხმაურა. მისი განცხადებით, `ერთიანი ნაციონალური მოძრაობის`გენერალური მდივნის დაკავებით მას პოლიტიკას ვერ ჩამოაშორებენ.
ვანოს შოუ
იუმორისტული ტოქ-შოუ ცნობილ სტუმრებთან ერთად
კომედი შოუ
უნიკალური იუმორისტული სკეტჩები, სიცილის დღესასწაული რუსთავი 2-ზე !
შსს-ს თბილისის მთავარი სამმართველოს ძველი თბილისის სამმართველოს მე-VII განყოფილების თანამშრომლებმა 17 მაისს რუსთაველის გამზირზე მომხდარ ინციდენტში მონაწილე ორ სასულიერო პირს, სამების ტაძრის არქიმანდრიტს, მამა ანთიმოზ (თამაზ) ბიჩინაშვილსა და იოანე თორნიკე ერისთავის სახელობის დედათა მონასტრის იღუმენს, მამა იოთამ (ირაკლი) ბასილაიას ბრალი წაუყენეს.
ვიცე–პრემიერი 17 მაისს თბილისში განვითარებულ მოვლენებთან დაკავშირებით მიმდინარე გამოძიებაზე კომენტარს აკეთებს. გიორგი მარგველაშვილი აცხადებს, რომ კანონდამრღვევთა პასუხისმგებლობის საკითხი სასამართლომ უნდა გადაწყვიტოს.
17 მაისს მომხდარ ფაქტებზე საუბრისას, საქართველოს კათოლიკოს–პატრიარქი სასულიერო პირების ქცევის გამო წუხილს გამოთქვამს. ილია მეორის თქმით, მიუღებელია იდეები, რომელთა დანერგვასაც საქართველოში ზოგიერთი ჯგუფი ცდილობს, თუმცა სამღვდელოების საქციელი მოსაწონი მაინც არ იყო.
