კარლ ბილდტი და რადოსლავ სიკორსკი ივანიშვილს შეხვდნენ
05.09.12 14:08
პოლონეთისა და შევედეთის საგარეო საქმეთა მინისტრები დღეს კოალიცია `ქართული ოცნების` ლიდერს ბიძინა ივანიშვილსაც შეხვდნენ.
დიპლომატებმა საქართველოში საარჩევნო პროცესის მიმდინარეობის შესახებ ინფორმაცია მოისმინეს. შეხვედრის დასრულების შემდეგ კომენტარი ბიძინა ივანიშვილმა გააკეთა.
`ჩვენ მოკლედ მოვახსენეთ დღევანდელი სიტუაცია, როგორია საარჩევნო პროცესი. დაწვრილებით საუბრის დრო არ იყო. მათ უფრო მეტად აინტერესებდათ, როგორი სტრატეგია გვაქვს ჩვენ, როგორც რეალურ ოპოზიციას, ყველაზე ძლიერ ოპოზიციას, რომელსაც რეალურად შეუძლია მოვიდეს ხელისუფლებაში. მათ არაერთხელ განაცხადეს, რომ ისინი გააგრძელებენ საქართველოსთან ურთიერთობას, მიუხედავად იმისა, ჩვენ მოვალთ თუ არ მოვალთ ხელისუფლებაში,`- განაცხადა ბიძინა ივანიშვილმა.
|
