რასმუსენმა საქართველოში ვიზიტი დაასრულა
06.09.12 21:12
"თუ 2008 წლის კონფლიქტი მდგომარეობდა იმაში, რომ განხორციელებულიყო ჩარევა ნატოს გადაწყვეტილებაში მინდა დაგარწმუნოთ, რომ ეს ჩავარდა," - ეს განცხადება ანდერს ფოგ რასმუსენს ეკუთვნის. ასეთი მკვეთრი განცხადებით გამოეხმაურა ალიანსის გენერალური მდივანი რუსეთის ყოფილი პრეზიდენტის ცნობილ აღორებას რუსეთ-საქართველოს ომის დაწყების მიზეზებზე.
"თუ 2008 წლის კონფლიქტის მიზანი მდგომარეობდა იმაში, რომ განხორციელებულიყო ჩარევა ნატოს გადაწყვეტილებაში, ნატოს ღია კარის პოლიტიკასთან დაკავშირებით, ნატოს გადაწყვეტილებაში გაფართოებასთან დაკავშირებით, მინდა დაგარწმუნოთ იმაში, რომ ეს ჩავარდა. არც ერთ მესამე ქვეყანას არ გააჩნია უფლება ჩაერიოს ნატოს გადაწყვეტილებებში. ჩვენ განვაცხადეთ და კიდევ ერთხელ ვთქვით ჩიკაგოში, რომ ჩვენი კარი გახსნილია. ჩვენ ვართ ერთგული პრინციპების და ეს ნიშნავს, რომ თითოეულმა დამოუკიდებელმა ერმა თვითონ უნდა გადაწყვიტოს თავისი მოკავშირეობის შესახებ ნატოსთან და იმედი გვაქვს, რომ რუსეთი პატივს სცემს ამ გადაწყვეტილებას", - განაცხადა მან.
ნატოს გენერალური მდივანი დღის ბოლოს ავღანეთში მიმავალ ქართველ ჯარისკაცებსაც შეხვდა. მანამდე კი ამბასადორიალში მიიღო მონაწილეობა და საქართველოს პრეზიდენტთან ერთად პრესკონფერენცია გამართა.
ნატოს გენერალურმა მდივანმა დღესვე ბრიუსელიდან სხვა გზავნილებიც ჩამოიტანა. არჩევნების წინ მან საქრთველოს უპირობო მხარდაჭერა გამოუცხადა. პრეზიდენტთან თითქმის ერთსაათიანი შეხვედრის შედეგ გამართულ ერთობლივ პრიფინგზე განაცხადა, რომ ალიანსი ერთგული რჩება თავისი განსაკუთრებული გადაწყვეტილების და რომ საქართველოს მომავალი სახლი ნატოშია.
,,ნატო მხარდაჭერას უცხადებს საქართველოს ტერიტორიული მთლიანობისა სუვერენიტეტისადმი ურყევია;
,,საქართველოს აქვს სურვილი - იყოს უფრო მეტი, ვიდრე უბრალო პარტნიორი. თქვენ გინდათ გახდეთ ნატოს წევრი და ჩვენი სამიტი ბუქარესტში, რომელიც 2008 წელს გაიმართა სამიტზე, გადავწყვიტეთ, რომ საქართველო ნატოს წევრი გახდება. ჩიკაგოში მაისში წელს ნათლად განვაცხადეთ, რომ ვიცავთ ჩიკაგოში მიღებული პრინციპებისა და გადაწყვეტილების ერთგული ვრჩებით, შესაბამისად, მივესალმებით საქართველოს პროგრესს," - განაცხადა რასმუსენმა და აღნიშნა, რომ ნატო საქართველოს ტერიტორიულ მთლიანობას მხარდაჭერას უცხადებს.
,,ნატოს კარი გახსნილია ქვეყნებისთვის, რომლებიც მზად არიან მუშაობა გააგრძელონ რეფორმების და ინტეგრირების კუთხით. თქვენ მტკიცედ დგახართ რეფორმების გზაზე და მნიშვნელოვან პროგრესს მიაღწიეთ. ეს არის ძალიან მძიმე სერიოზული სამუშაო, რომელმაც უფრო ახლოს დაგაყენათ ნატოს წევრობასთან. მნიშვნელოვანია საქართველო ჩაებას იმ პროცესებში, რაც უკავშირდება ურთიერთობას სამხრეთ ოსეთის ხალხთან. ჩიკაგოში ჩვენ კიდევ ერთხელ განვაცხადეთ, რომ ნატოს მხარდაჭერა საქართველოს ტერიტორიული მთლიანობისა და სუვერენიტეტისადმი ურყევია, რასაკვირველია, საერთაშორისოდ აღიარებული საზღვრების ფარგლებში. ჩვენ გავაგრძელებთ საქართველოს რეფორმების პროცესების მხარდაჭერას", - განაცხადა რასმუსენმა.
,,ჩვენ ასევე ვუყურებთ საქართველოს და თვალს ვადევნებთ, თუ როგორ გრძელდება დემოკრატიული რეფორმები. შესაბამისად, ოქტომბერში საპარლამენტო არჩევნების მოწყობა და 2013 წლის საპრეზიდენტო არჩევნები საქართველოს დემოკრატიისთვის ბრწყინვალე ტესტი იქნება და მინდა ვთქვა, იმედი მაქვს, რომ ყველა პოლიტიკური მოთამაშე პასუხისმგებლობით შეასრულებს თავის როლს ამ პროცესში. მომავალი თქვენს ხელშია, მაგრამ თქვენ უნდა იცოდეთ, რომ ნატოს სახელით მეგობარი გყავთ და იმედი, რომელიც ნატოს მტკიცედ უკავშირდება", - თქვა მან.
პრეზიდენტთან შეხვედრის შემდეგ ნატოს გენერალური მდივანი, რომელიც ჩიკაგოს სამიტიდან საქრთველოში 4 თვის შემდეგ ისევ ჩამოვიდა, დღეს თბილისში ამბასადორიალსაც დაესწრო. მან ქართული დიპლომატიური ფორუმის წარმომადგენლებს სიტყვით მიმართა.
ანდერს ფოგ რასმუსენის გამოსვლის შეფასებები საპატიო სტუმრის წასვლის შემდეგ გაკეთდა.
ნატოს გენერალური მდივანი საქართველოში ვიზიტის ბოლოს იმ ქართველ ჯარისკაცებს შეხვდა, რომლებიც ავღანეთში სულ ცოტა ხანში გაემგზავრებიან. მე-12 და 32-ე მსუბუქი ქვეითი ბატალიონები ჰელმანდის პროვინციაში მოსახლეობის უსაფრთხოების დასაცავად ანტიტერორისტულ ოპერაციებში მიიღებენ მონაწილეობას. ისინი ამერიკელ საზვაო ქვეითებთან ერთად მოძრავი საკონტროლო საგუშაგოების მოწყობაშიც ჩაერთვებიან. ნატოს გენერალურმა მდივანმა დღეს ქართველ ჯარისკაცებს წარმატება უსურვა და ავღანეთის ოპერაციაში მონაწილეობისთვის მადლობა გადაუხადა.
პრესკონფერენციაზე ნატოს გენერალურმა მდივანმა მოახლოებულ საპარლამენტო არჩევნებზეც ისაუბრა. განცხადება დღეს ამ თემაზე საქართველოს პრეზიდენტმაც გააკეთა.
დღის ბოლოს ნატოს გენერარულმა მდივანმა საქართველოს დატოვა. თბილისისდან ის ბაქოში გაემგზავრა.
|
