ლატვიელი ექსპერტები აუდიტის სამსახურის მუშაობას გაეცნენ
14.09.12 14:58
სახელმწიფო აუდიტის სამსახურმა ევროკავშირის მხარდაჭერითა და დაფინანსებით, ლატვიის რესპუბლიკის კორუფციის წინააღმდეგ ბრძოლისა და პრევენციის ბიუროს (KNAB) წარმომადგენლებს უმასპინლა.
ერთკვირიანი ვიზიტის ფარგლებში, ლატვიელმა ექსპერტებმა დეტალურად შეისწავლეს ფინანსური მონიტორინგის სამსახურის მიერ განხორციელებული საქმიანობა. გაეცნენ სამსახურის მიერ შემუშავებულ ელექტრონული დეკლარირების პროგრამას და ფინანსური ანგარიშგების ფორმებს, ადმინისტრაციული სამართალდარღვევის საქმეებს.
ვიზიტის ფარგლებში სამუშაო შეხვედრები გაიმართა ცენტრალურ საარჩევნო კომისიასა და თბილისის საქალაქო სასამართლოში.
ლატვიელი კოლეგები შეხვდნენ პოლიტიკური პარტიებისა და არასამთავრობო სექტორის წარმომადგენლებს.
|
