ამერიკელი კონგრესმენების წერილი
18.09.12 10:00
სამართლიანი და გამჭვირვალე არჩევნები - 1 ოქტომბრამდე ორი კვირით ადრე საქართველოს მხარდასაჭერ ღია წერილს ამერიკელი კონგრესმენები აქვეყნებენ. ტექსტში ხაზგასმულია, რომ მოახლოებული არჩევნები ტესტი იქნება ქართული დემოკრატიისთვის. აქვე კონგრესმენები მოუწოდებენ ყველა პოლიტიკოსს, რომ პატივი სცენ არჩევნების შედეგებს და უთანხმოება გვერდზე გადადონ.
`ნებისმიერი მცდელობა არეულობის მოწყობის ან ელექტორატის ნების წინააღმდეგ წასვლა, დიდი უსამართლობა იქნება ქართველი ხალხის წინაშე - ნათქვამია ღია წერილში, რომელიც კონგრესის გაზეთ "The Hill-ში" დაიბეჭდა.
წერილში აღნიშნულია, რომ საქართველომ და მისმა ლიდერებმა გააკეთეს ნათელი და ერთგვაროვანი არჩევანი, რომ მხარი დაუჭირონ და პრაქტიკაში გამოსცადონ ძირითადი დემოკრატიული ღირებულებები და იდეები. ხაზგასმულია ქვეყანაში კრიმინალისა და კორუფციის შემცირება, ასევე საქართველოს როლი ნატოს სხვადასხვა ოპერაციაში საზღვარგარეთ, მათ შორის ავღანეთსა და კოსოვოში. "ჩვენ ქართველი ხალხის გვერდით ვდგავართ, რათა წინააღმდეგობა გავუწიოთ რუსეთის მცდელობას, რომ დაანგრიოს საქართველოს მიერ რთულად მოპოვებული დემოკრატია," - აღნიშნულია წერილში.
|
