ევროპელი დიპლომატები კახეთში იმყოფებოდნენ
17.09.12 17:24
საქართველოში სტუმრად მყოფი ევროპელი საგარეო საქმეთა მინისტრები კახეთში იმყოფებიან. მათ უკვე დაათვალიერეს ყვარლის იუსტიციის სახლი და ადგილზე ნახეს, თუ როგორ მუშაობს ახალი ქართული ბრენდი.
იუსტიციის სახლის მენეჯერებმა ლიტვის, რუმინეთის, ბულგარეთის, ჩეხეთისა და ლატვიის საგარეო საქმეთა მინისტრებს დეტალურად აუხსნეს, როგორ არის შესაძლებელი ერთ სივრცეში 300-ზე მეტი სერვისის მიღება და მათ სამახსოვრო პასპორტები რამდენიმე წუთში დაუმზადეს.
დღესვე ევროპელმა დიპლომატებმა იუსტიციის სასწავლო ცენტრიც მოინახულეს, რომელიც ”რუმს ჰოტელ ყვარელში” მდებარეობს. კახეთში მყოფი სტუმრები ყვარლის მეორე საჯარო სკოლაშიც იმყოფებოდნენ და მომავლის კლასი დაათვალიერეს.
|
