სსმ წინასაარჩევნო დებატების მორიგი რაუნდისთვის ემზადება
18.09.12 12:23
წინასაარჩევნო დებატების კიდევ ერთი რაუნდი დღეს გაიმართება. საზოგადოებრივი მაუწყებელი თავის სტუდიაში პოლიტიკური პარტიების საარჩევნო სიების პირველ ნომრებს ელის.
კამათში მონაწილეობას მიიღებენ დავით ბაქრაძე ნაციონალური მოძრაობიდან, გიორგი თარგამაძე ქრისტიან-დემოკრატებიდან, შალვა ნათელაშვილი ლეიბორისტული პარტიიდან და კახი კალაძე ქართული ოცნებიდან.
საზოგადოებრივი მაუწყებლის წარმომადგენელთა განმარტებით, შეკითხვები სოციალური ქსელებიდან იქნა შერჩეული რეიტინგების მიხედვით და მათი ძირითადი მიმართულებაა სოციალური თემები, ეთნიკური უმცირესობის პრობლემები, განათლების თემატიკა და ქვეყნის ტერიტორიული მთლიანობის საკითხები.
|
