ლაზიკაში რამდენიმე შენობას საფუძველი ჩაეყარა
23.09.12 18:15
საქართველოს პრეზიდენტმა ლაზიკაში რამდენიმე ობიექტის მშენებლობას სიმბოლურად საფუძველი ჩაუყარა. იმ ტერიტორიაზე, სადაც პორტის ადმინისტრაციული შენობა უნდა აშენდეს, ჩაიდო კაფსულა. ადგილზე უკვე დაწყებულია წყლის და გაზის მილების ჩადება.
პორტი ლაზიკა საქართველოს ზღვისპირეთში ყველაზე დიდი იქნება და 85 ჰექტარზე გაიშლება. მშენებლობის დასრულების შემდეგ პორტის საოპერაციო საქმიანობაში მუდმივად დასაქმდება 2300 ადამიანი. პროექტის საორიენტაციო მაქსიმალური ღირებულება 535 მილიონი ლარია.
ლაზიკის პორტის მშენებლობის დასრულება 2015 წლის პირველ ნახევარში იგეგმება.
რაც შეეხება თავად ადმინისტრაციულ შენობას, ორიგინალური კონსტრუქციის შუშის ნაგებობა ქართველ არქიტექტორს ნიკო ჯაფარიძეს ეკუთვნის.
გარდა ამისა, ლაზიკაში დაგეგმილია ახალი ტაძარის მშენებლობაც, რომელიც ამჟამად თურქეთის ტერიტორიაზე მდებარე ისტორიული ტაძრის - ბანას ზუსტი ასლი იქნება.
პრეზიდენტი მშენებლობის პროექტის დეტალებით დაინტერესდა.
|
