ინგა გრიგოლიამ კანდიდატურა მოხსნა
25.09.12 11:34
ქრისტიან-დემოკრატების ერთერთმა ლიდერმა, რომელიც კენჭს გლდანში იყრიდა, კანდიდატურა მოხსნა. ინგა გრიგოლიამ გადაწყვეტილება სოციალურ ქსელში გამოაქვეყნა:
`იმის მიუხედავად, რომ გუშინ მიღებული გადაწყვეტილება არჩევნების გაშუქებასთან დაკავშირებით ბევრად განსხვავდება იმ ვარიანტისგან, რომლის გატანაც ხელისუფლებას უნდოდა და იმედია, ქრისტიან-დემოკრატები გააკეთებენ განმარტებას, რატომ დაუჭირეს მხარი, რადგან დარწმუნებული ვამტკიცებდი, რომ ჩვენები კენჭისყრაში მონაწილეობას არ მიიღებდნენ. ვასრულებ ჩემს პირობას და არჩევნებიდან ვხსნი ჩემს კანდიდატურას,`- განაცხადა გრიგოლიამ.
ამ გადაწყვეტილებასთან დაკავშირებით განცხადება გააკეთა მოძრაობის კიდევ ერთმა ლიდერმა. ლევან ვეფხვაძე აცხადებს, რომ ინგა გრიგოლია ფსიქოლოგიური ზეწოლის ქვეშ მოექცა და ის კარგად ვერ გაერკვა ცესკოს გადაწყვეტილების შინაარსში. ვეფხვაძე ირწმუნება, რომ გრიგოლია აუცილებლად შეიცვლის პოზიციას მას შემდეგ, რაც დეტალურად გაეცნობა ახალ რეგულაციას, რომელიც, მისივე თქმით, არ ლახავს არც ამომრჩევლის და არც მედიის უფლებებს და იძლევა არჩევნების პროცესის თავისუფლად გაშუქების საშუალებას.
|
