სექტემბერი 2012

შემდეგი »

შსს მორიგ აუდიომასალას ავრცელებს

26.09.12 12:10

ოპოზიციის ლიდერების ქურდულ სამყაროსთან კავშირის შესახებ შინაგან საქმეთა სამინისტრომ საგანგებო ბრიფინგი გამართა. რამდენიმე წუთის წინ სამართალდამცველებმა მედიის წარმომადგენლებს საგამოძიებო მასალები გადასცეს. მასალებში რამდენიმე ეპიზოდია, მათ შორის კახი კალაძის და გუბაზ სანიკიძის საუბრის ჩანაწერები. ვრცელდება საზღვარგარეთ მყოფი ე.წ. კანონიერი ქურდების სატელეფონო ჩანაწერებიც, რომლებიც საქართველოში მყოფ თანამოაზრეებს ამომრჩეველთა გადაბირებას ავალებენ.

`ჩვენ წარმოგიდგენთ შსს-ს ღონისძიებების შედეგად მოპოვებულ აუდიოჩანაწერებს, სადაც ვლინდება კალაძის ახლო კავშირები უცხოეთში მყოფ 8 ქართველ კანონიერ ქურდთან,`- განაცხადეს ბრიფინგზე.

სამინისტროს ცნობით, ერთ-ერთი მასალა "ქართული ოცნების" ქუთაისის მაჟორიტარობის კანდიდატ გუბაზ სანიკიძისა და ედუარდ შევარდნაძის დროის უშიშროების მინისტრის ვალერი ხაბურძანიას გარიგების დეტალებს ეხება.

კერძოდ, შსს-ს ცნობით, სანიკიძე ხაბურძანიას ერთ-ერთი `კანონიერი ქურდის`ციხიდან გამოშვებას სთხოვს და სანაცვლოდ ფულად ანაზღაურებას სთავაზობს.

შინაგან საქმეთა სამინისტრომ დღეს საგანგებო განცხადებაც გაავრცელა.

ვალერი ხაბურძანია საქართველოს უშიშროების მინისტრი ჯერ კიდევ შევარდნაძის ხელისუფლების პერიოდში გახდა. ვარდების რევოლუციის შემდეგ ის მიხეილ სააკაშვილმა თანამდებობიდან გაათავისუფლა. როგორც ერთ-ერთ ინტერვიუში სააკაშვილმა აღნიშნა, ხაბურძანიას თანამდებობაზე დატოვება მას პირადად ვლადიმერ პუტინმა მოსკოვში მათი პირველი შეხვედრის დროს სთხოვა. ხაბურძანიას მინისტრობის პერიოდში ჩატარდა პანკისის ანტიტერორისტული სპეცოპერაცია პანკისის ხეობაში. მისი მოადგილეები იმ პერიოდში ლაშა ნაცვლიშვილი და ირაკლი ალასანია იყვნენ. ორივე მათგანი დღეს ქართული ოცნების აქტიური წევრია.

21.05.13 16:37

21.05.13 17:33

21.05.13 10:58

21.05.13 17:54

21.05.13 15:10

21.05.13 15:00

21.05.13 14:44

21.05.13 14:31