ფილიპ დიმიტროვი წინასაარჩევნო პროცესებზე საუბრობს
26.09.12 12:34
საქართველოში მსგავსი კონკურენტული წინასაარჩევნო გარემო ჯერ არ ყოფილა, - აცხადებს ევროკავშირის დელეგაციის ხელმძღვანელი საქართველოში. ფილიპ დიმიტროვმა ინტერვიუ ტელეკომპანია `მეცხრე არხს` მისცა. დიმიტროვის თქმით, ბევრი რამ მიუთითებს იმაზე, რომ პირველ ოქტომბერს საქართველოში თავისუფალი და სამართლიანი არჩევნები ჩატარდება.
`არა მგონია, საქართველოსგან მოელოდეთ, რომ რევოლუციები მოახდინოს ყოველ ათ წელიწადში ერთხელ და ვიმედოვნებ, ასე არც მოხდება, რადგან თქვენ არჩეული გაქვთ ის გზა, რომელიც საკმაოდ ძლიერია, მაგრამ რთულია. ყოველდღე თავიდან ვერ დაიწყებთ ყველაფერს,`- განაცხადა დიმიტროვმა.
დიმიტროვმა ასევე ხაზი გაუსვა, რომ კონკურენტული წინასაარჩევნო გარემოს ჩამოყალიბება იმის შედეგია, რომ ინფორმაციაზე ხელმისაწვდომობა მნიშვნელოვნად გაიზარდა.
|
