`ლიბერთი ბანკის` ცენტრალურ ოფისს ცეცხლი გაუჩნდა
28.09.12 20:05
დღის მეორე ნახევარში, "ლიბერთი ბანკის" სათავო ოფისს ცეცხლი გაუჩნდა. ხანძარი შენობის ერთ ფლიგელს გაუჩნდა, თუმცა ცეცხლი მალე თითქმის ყველა სართულს მოედო.
16-სართულიანი შენობიდან ხალხის სასწრაფო ევაკუაცია ხანძრის გაჩენისთანავე გამოცხადდა. ბოლო ინფორმაციით, სერიოზულად არავინ დაშავებულა. "ლიბერთი ბანკის" რამდენიმე თანამშრომელმა კვამლისგან მსუბუქი ინტოქსიკაცია მიიღო.
სავარაუდოდ, ცეცხლი პირველად შენობის მეექვსე სართულს მოეკიდა. გამზირზე ხანძრის ჩასაქრობად მობილიზებული იყო 30-მდე სახანძრო ბრიგადა და ერთი ვერტმფრენი.
ხანძარი, პირველადი ინფორმაციით, ელექტროშემდუღებლის მუშაობამ გამოიწვია. მომხდარის მიზეზებს უკვე სწავლობს პოლიცია.
ცეცხლის ჩაქრობის შემდეგ, კომენტარი "ლიბერთი ბანკის" გენერალურმა დირექტორმა გააკეთა. ლადო გურგენიძის განმარტებით, ბაკი რამდენიმე დღეში მუშაობას სრული დატვირთვით გააგრძელებს. ზარალის ოდენობა ჯერჯერობით უცნობია.
ჭავჭავაძის გამზირზე ამ დროისთვის ვითარება სტაბილურია. აღდგენილია საავტომობილო მოძრაობა. შემეთხვევის ადგილზე მუშაობას სამართალდამცველები განაგრძობენ.
|
