`ნაციონალურმა მოძრაობამ` დასკვინითი შეკრება გამართა
28.09.12 20:15
დასაქმება, ჯანდაცვა, სოფლის მეურნეობა - ეს ის მიმართულებებია, რომლებზეც უახლოესი ოთხი წლის განმავლობაში "ნაციონალური მოძრაობა" იქნება კონცენტრირებული.
ხელისუფლება თავისი დაპირებების კონტროლს მოსახლეობასაც სთავაზობს. საარჩევნო პროგრამა უკვე თვეების მიხედვით არის შედგენილი და შესასრულებელი სამუშაოები კალენდარშია მონიშნული.
გეგემის მიხედვით, დასაქმების სამინისტროს საშუალებით ყველა უმუშევარი აღირიცხება. სამუშაოს მაძიებელი პირები კი სახელმწიფო დაფინანსებით გადამზადდებიან და კვალიფიკაციას აიმაღლებენ. სამუშაო ადგილების შექმნისთვის კონკრეტული პროექტების განხორციელება უახლოეს მომვალში დაიწყება.
საარჩევნო პროგრამის მიხედვით, ერთ-ერთი მთავრი პრიორიტეტი სოფლის მეურნეობის განვითარებაა. სააარჩევნო პროგრამის ძირითადი ნაწილი ჯანდაცვის საკითხების მოგვარებასაც ეთმობა.
საარჩევნო პროგრამის მიხედვით, კიდევ ერთი სიახლე, რომელსაც "ნაციონალირი მოძრაობა" თავის ამომჩეველს სთავაზობს, 1000-ლარიანი ვაუჩერია, რომლის დარიგება 2013 წლიდან დაიწყება. ვაუჩერით კომუნალური გადასახადების დაფარვა, სასკოლო სახელმძღვანელოების ან მედიკამენტების შესყიდვა ან სასოფლო-სამეუნეო ტექნიკის დაქირავება იქნება შესაძლებელი.
"ნაციონალური მოძრაობის" დასკვნით შეკრებას მმართველი გუნდის მხარდამჭერები დღეს ყველა რეგიონიდან ესწრებოდნენ. ავტოკოლონები ქვეყნის სხვადასხვა კუთხიდან თბილისისკენ დილიდან ერთდროულად დაიძრნენ და დედაქალაქში შუადღისას შემოვიდნენ. პარალელურად, თბილისის სხვადასხვა უბნიდან მოსახლეობამ ეროვნული სტადიონისკენ მასობრივი მსვლელობა მოაწყო.
|
