ბიძინა ივანიშვილის განცხადება
01.10.12 21:19
საკუთარ მხარდამჭერებს მიმართა კოალიცია ქართული ოცნების ლიდერმა. ბიძინა ივანიშვილმა პირველი განცხადება მას შემდეგ გააკეთა, რაც `ამომრჩეველთა ლიგისა` და ტელეკომპანია `მაესტროს` ეგზიტპოლების წინასწარი შედეგები გახდა ცნობილი.
ბიძინა ივანიშვილმა განსაკუთრებით აღნიშნა ქართველი ხალხის სიდინჯე, კულტურას და ღირსება. ამასთან, ისაუბრა საარჩევნო კამპანიის სწორ მენეჯმენტზე, რამაც მოიტანა შედეგად ის, რომ საქართველოს ისტორიაში პირველად ქართველმა ხალხმა მოახერხა ხელისუფლების შეცვლა არჩევნების გზით.
`დღეს ძალიან დიდი მოვლენაა საქართველოს ისტორიაში და თუ გნებავთ ოქროს სოებით ჩაიწერება. ქართველმა ხალხმა მოახერხა, რომ პოზიციაც და ოპოზიციაც ისე მოქცეულიყვნენ როგორც საქართველოს შეეფერება. ხელისუფლების სახეც ნახეთ, ოპოზიციის სახეც ნახეთ, საერთო ჯამში ჩვენ ყველანი საქართველოს მოქალაქეები ვართ. იყო ძალადობა, იყო სიცრუე და დღეს უნდა მოვახერხოთ გავერთიანდეთ, დავივიწყოთ ყოველგვარი განაწყენება და ერთიანი საქართველო ავაშენოთ. რა თქმა უნდა, ის, ვინც კანონდარღვევა განახორციელა,სისხლის სამართლის დანაშაული ჩიდინა, რა თქმაუ ნდა მათ მოუწევთ პასუხის გება. მე ვფიქრობ, რომ ჩვენ მივიღებთ ას ადგილს საქართველოს პარლამენტში, არანაკლებ ასი ადგილისა,` განაცხადა ბიძინა ივანიშვილმა.
|
