ივანიშვილის რეზიდენციაში კონსულტაციები გრძელდება
07.10.12 18:11
კოალიცია "ქართული ოცნების" ლიდერის რეზიდენცია დატოვა აშშ-ის ელჩმა. რიჩარდ ნორლანდი მთაწმინდაზე, ბიზნესცენტრში, ნახევარი საათის განმავლობაში იმყოფებოდა. მან ტერიტორია კომენტარის გარეშე დატოვა.
დილიდან კი კოალიცია "ქართული ოცნების" ლიდერთან მინისტრთა ახალი კაბინეტის შემადგენლობაზე კონსულტაციები გრძელდებოდა.
ბიძინა ივანიშვილის რეზიდენციაში პირველები ირაკლი ღარიბაშვილი და გია ხუხაშვილი მივიდნენ.
დღის მეორე ნახევარში კი მთაწმინდაზე ბიზნესცენტრთან ცნობილი ადამიანები გამოჩნდნენ. მსახიობები აცხადებენ, რომ ისინი პოლიტიკაში არ ერევიან და დღეს კოალიციის ლიდერმა ისინი სადილზე მიიწვია.
ბიზნესცენტრში იმყოფებოდა დღეს ფოთის მაჟორიტრი დეპუტატობის კანდიდატი ეკა ბესელიაც.
|