საქართველოს პრეზიდენტისა და საპარლამენტო არჩევნებში გამარჯვებული კოალიციის პრემიერობის კანდიდატის შეხვედრა შესაძლოა დღეს გაიმართოს. ამის შესახებ მინისტრთა კაბინეტის შემადგენლობაში ახალი კანდიდატების წარდგენისას თავად ბიძინა ივანიშვილმა განაცხადა.
შეხვედრის შესაძლებლობა წუხელ გვიან ღამით რუსთავი ორის კორეპონდენტთან საუბრისას შინაგან საქმეთა მინისტრობის კანდიდატმა ირაკლი ღარიბაშვილმაც დაადასტურა. თუმცა ამ დრომდე მიხეილ სააკაშვილის და ბიძინა ივანიშვილის შეხვედრის კონკრეტული დრო არ დასახელებულა.
საჭიროების შემთხვევაში, კვირის ბოლოს გაიმართება კოალიცია "ქართული ოცნებისა" და ერთიანი ნაციონალური მოძრაობის სამუშაო ჯგუფებს შორის მესამე შეხვედრაც.
სამეგრელოში შსს-ს მიერ აღმოჩენილ საიდუმლო სამალავში ნაპოვნი ვიდეომასალების გამოძიების შედეგად სამინისტრომ ცხრა ადამიანი დააკავა. ამის შესახებ შინაგან საქმეთა მინისტრმა დიპლომატებთან შეხვედრის შემდეგ განაცხადა.
ციხის სკანდალური კადრების ავტორი ვლადიმერ ბედუკაძე თინა ხიდაშელს დაუპირისპირდა. ბედუკაძემ თინა ხიდაშელის მიერ გუშინ რუსთავი 2-ის ეთერში გამოთქმული მოსაზრების საპასუხოდ საგანგებო განცხადება გაავრცელა
საერთაშორისო გამჭვირვალობა საქართველო ვლადიმერ ბედუკაძის სისხლის სამართლის პასუხისმგებლობისგან სრულად გათავისუფლებასთან დაკავშირებით განცხადებას ავრცელებს. `ბედუკაძე პასუხისმგებლობისგან სრულად არ უნდა გათავისუფლებულიყო,`- მიიჩნევს ორგანიზაცია.
ქუთაისში სამტრედიის ხიდის მიმდებარე ტერიტორიაზე სამართალდამცველებმა ოთხი პირი დააკავეს. წინასწარი ინფორმაციით, აღნიშნული პირები ნარკორეალიზატორები არიან.
რამდენიმე დღის წინ ტერაქტის ორგანიზების ბრალდებით თბილისში დაკავებულ დაღესტნელს მიკაელ კადიევს იზოლატორში გარიგება შესთავაზეს. ამის შესახებ გაზეთ "ყველა სიახლეს" დაკავებულის ძმამ რამაზ კადიევმა განუცხადა.
