კოალიციის წარმომადგენლები ოფიციალურ უწყებებში შედიან
09.10.12 10:25
დღეიდან `ქართული ოცნების` წარმომადგენლები ყველა სამინისტროში მივლენ, რათა უწყებათა მუშაობის პრინციპებს გაეცნონ და ხელისუფლების გადაბარების პროცესში უწყებათა მუშაობაში წყვეტა არ მოხდეს. მინისტრების კანდიდატების გარდა, კომუნიკაციის პროცესში კოალიციის სხვა წარმომადგენლებიც ერთვებიან. სწორედ ეს იყო ერთ-ერთი მთავარი განსახილველი თემა მეორე შეხვედრაზე, რომელიც ნაციონალური მოძრაობის წარმომადგენლებსა და კოალიციის სამუშაო ჯგუფის წევრებს შორის გაიმართა.
მინისტრობის რამდენიმე კანდიდატმა უკვე განაცხადა თავისი გემების შესახებ. მაია ფანჯიკიძე საგარეო საქმეთა სამინისტროში პარლამენტის პირველი სხდომის შემდეგ მივა. იუსტიციის მინისტრობის კანდიდატი, პირველ რიგში, საპროცესო შეთანხმების ინსტიტუტის გადახედვას გეგმავს. ცვლილებების აუცილებლობაზე ლაპარაკობს გენერალური პროკურორის პოსტზე ბიძინა ივანიშვილის მიერ დასახელებული არჩილ კბილაშვილიც.
სამეგრელოში შსს-ს მიერ აღმოჩენილ საიდუმლო სამალავში ნაპოვნი ვიდეომასალების გამოძიების შედეგად სამინისტრომ ცხრა ადამიანი დააკავა. ამის შესახებ შინაგან საქმეთა მინისტრმა დიპლომატებთან შეხვედრის შემდეგ განაცხადა.
ციხის სკანდალური კადრების ავტორი ვლადიმერ ბედუკაძე თინა ხიდაშელს დაუპირისპირდა. ბედუკაძემ თინა ხიდაშელის მიერ გუშინ რუსთავი 2-ის ეთერში გამოთქმული მოსაზრების საპასუხოდ საგანგებო განცხადება გაავრცელა
საერთაშორისო გამჭვირვალობა საქართველო ვლადიმერ ბედუკაძის სისხლის სამართლის პასუხისმგებლობისგან სრულად გათავისუფლებასთან დაკავშირებით განცხადებას ავრცელებს. `ბედუკაძე პასუხისმგებლობისგან სრულად არ უნდა გათავისუფლებულიყო,`- მიიჩნევს ორგანიზაცია.
ქუთაისში სამტრედიის ხიდის მიმდებარე ტერიტორიაზე სამართალდამცველებმა ოთხი პირი დააკავეს. წინასწარი ინფორმაციით, აღნიშნული პირები ნარკორეალიზატორები არიან.
რამდენიმე დღის წინ ტერაქტის ორგანიზების ბრალდებით თბილისში დაკავებულ დაღესტნელს მიკაელ კადიევს იზოლატორში გარიგება შესთავაზეს. ამის შესახებ გაზეთ "ყველა სიახლეს" დაკავებულის ძმამ რამაზ კადიევმა განუცხადა.
