ქურდობის ბრალდებით იტალიაში კიდევ ორი ქართველი დააკავეს. ძარცვის ფაქტი ქალაქ ბარის ორ სხავადასხვა ადგილას მოხდა. 31 წლის ქართველმა მამაკაცმა მეტალოდეტექტორებისგან დამცავი ჩანთის საშუალებით სავაჭრო ცენტრიდან 300 ევროს ღირებულების საქონლის გატანა სცადა, თუმცა ქურდობაში ეჭვმიტანილი დროულად შენიშნეს და სავაჭრო ცენტრის ტერიტორიაზევე აიყვანეს. მეორე შემთხვევა კი სუპერმარკეტების ქსელის ერთ-ერთ მაღაზიაში მოხდა, სადაც 37 წლის მამაკაცმა ნაქურდალი ნივთებით გაქცევა სცადა. იგი სუპერმარკეტის დაცვამ დააკავა.
სამეგრელოში შსს-ს მიერ აღმოჩენილ საიდუმლო სამალავში ნაპოვნი ვიდეომასალების გამოძიების შედეგად სამინისტრომ ცხრა ადამიანი დააკავა. ამის შესახებ შინაგან საქმეთა მინისტრმა დიპლომატებთან შეხვედრის შემდეგ განაცხადა.
ციხის სკანდალური კადრების ავტორი ვლადიმერ ბედუკაძე თინა ხიდაშელს დაუპირისპირდა. ბედუკაძემ თინა ხიდაშელის მიერ გუშინ რუსთავი 2-ის ეთერში გამოთქმული მოსაზრების საპასუხოდ საგანგებო განცხადება გაავრცელა
საერთაშორისო გამჭვირვალობა საქართველო ვლადიმერ ბედუკაძის სისხლის სამართლის პასუხისმგებლობისგან სრულად გათავისუფლებასთან დაკავშირებით განცხადებას ავრცელებს. `ბედუკაძე პასუხისმგებლობისგან სრულად არ უნდა გათავისუფლებულიყო,`- მიიჩნევს ორგანიზაცია.
ქუთაისში სამტრედიის ხიდის მიმდებარე ტერიტორიაზე სამართალდამცველებმა ოთხი პირი დააკავეს. წინასწარი ინფორმაციით, აღნიშნული პირები ნარკორეალიზატორები არიან.
რამდენიმე დღის წინ ტერაქტის ორგანიზების ბრალდებით თბილისში დაკავებულ დაღესტნელს მიკაელ კადიევს იზოლატორში გარიგება შესთავაზეს. ამის შესახებ გაზეთ "ყველა სიახლეს" დაკავებულის ძმამ რამაზ კადიევმა განუცხადა.
