საკრებულოს ხუთმა წევრმა ნაციონალური მოძრაობა დატოვა
12.10.12 12:06
თბილისის საკრებულოში ერთიანი ნაციონალური მოძრაობის ხუთმა წევრმა პარტია დატოვა და თვითმმართველობაში დამოუკიდებელი ფრაქცია შექმნა, სახელწოდებით `თავისუფლება`. დეპუტატები - გიორგი ნემსაძე, მერაბ რაფავა, მიხეილ ქავთარაძე, ირაკლი შიხიაშვილი და ზაურ დოლიძე `ქართულ ოცნებას` შეუერთდნენ. ისინი აცხადებენ, რომ საქართველოს მოსახლეობის უმრავლესობის არჩევანს შეუერთდნენ და სწორედ ამიტომ გადავიდნენ კოალიციაში.
ამჟამად თბილისის საკრებულოში 49 წევრი და ოთხი ფრაქციაა: ნაციონალური მოძრაობა, ქრისტიან-დემოკრატები, ”თბილისი”, რომელიც მთლიანად დაკომპლექტებულია "ქართული ოცნების" წევრებით და ახლდად ჩამოყალიბებული "თავისუფლება".
|
