ნაციონალური მოძრაობა `ქართული ოცნების`მხრიდან სსმ-ზე ზეწოლაზე საუბრობს
15.10.12 16:23
ერთიანი ნაციონალური მოძრაობა საზოგადოებრივ მაუწყებლზე `ქართული ოცნების`მხრიდან შესაძლო ზეწოლაზე საუბრობს. პარტიის ერთ-ერთი ლიდერი აცხადებს, რომ საზოგადოებრივ მაუწყებელს თავისი მანდატი აქვს და მის მუშაობაში ჩარევა დაუშვებელია.
`საპარლამენტო არჩევნების შემდეგ ვრცელდება ინფორმაცია, რომ არიან ადამიანები, რომლებიც იბრძვიან საზოგადოებრივი მაუწყებლის თავმჯდომარეობისთვის, რომლებიც ფიქრობენ საზოგადოებრივი საბჭოს შეცვლაზე და ა.შ. ეს არის გარკვეულწილად ზეწოლა თავისუფალ მედიაზე. არსებობს კანონი, არის საზოგადოებრივი საბჭო, რომელსაც აქვს თავისი მანდატი და ყველაფერი უნდა იყოს კანონის ფარგლებში. ამიტომ საპარლამენტო არჩევნები არ უნდა იწვევდეს სამეურვეო საბჭოს ცვლილებას და გენერალური დირექტორის ცვლილებას,`- განაცხადა აკაკი მინაშვილმა.
ნაციონალურ მოძრაობას პარლამენტის თავმჯდომარეობის კანდიდატმა უპასუხა.
`მივმართავ ყველას, ყოველგვარი მონიტორინგის და სხვა შეძახილების გარეშე, სწორად მოვიქცეთ, ანუ ობიექტურად გავაშუქოთ, რაც ხდება,`- განაცხადა დავით უსუფაშვილმა.
|
