გია ხუხაშვილი `ქართულ ოცნებას` ტოვებს
15.10.12 17:03
ეკონომიკური ექსპერტი გია ხუხაშვილი კოალიცია `ქართულ ოცნებას` ტოვებს. ის მუშაობას კვლავ სამოქალაქო სექტორში განაგრძობს. ამის შესახებ განცხადება ხუხაშვილმა მაესტროს პრესკლუბში გააკეთა.
ეკონომიკურმა ექსპერტმა საწვავის გაიაფებისა და პურის გაძვირების თემებიც შეაფასა. ხუხაშვილმა უარყო გავრცელებული ინფორმაცია, რომ კოალიცია ირაკლი ალასანიასთან კონფლიქტის გამო დატოვა. ექსპერტმა დღეს ის სატელეფონო საუბრებიც გაიხსენა, სადაც გია ვოლსკიზე იყო საუბარი. ხუხაშვილმა განაცხადა, რომ კოალიციაში იყო ერთმანეთის მიმართ წყენა და უკმაყოფილება, თუმცა საერთო საქმეს ემსახურებოდნენ.
ბიძინა ივანიშვილის ყოფილი თანაგუნდელის მტკიცებით, ის თანამდებობისთვის არასდროს იბრძოდა და მომავალ ხელისუფლებას სამოქალაქო სექტორიდან უფრო ობიექტურად გააკრიტიკებს. ივანიშვილის ყოფილი თანაგუნდელი ასევე კატეგორიულად უარყოფს გავრცელებულ ვერსიას, თითქოს მან კოალიცია მინისტრის პორტფელის შეუთავაზებლობის გამო დატოვა.
|
